Friday, December 27, 2013

བཙོན་ཁང་བཞུ་སྣོད་ཏུ་གྱུར་སོང་།



----ཌེས་མཱོན་ཊུ་ཊུ་ཡིས་མཱན་ཌེ་ལ་གླེང་བ།


For 27 years, I knew Nelson Mandela by reputation only. I had seen him once, in the early 1950s, when he came to my teacher-training college to judge a debating contest. The next time I saw him was in 1990.
ལོ་ངོ་ཉི་ཤུ་རྩ་བདུན་ཙམ་ལ་ངས་ནེལ་སཱོན་མཱན་ཌེ་ལ་མཆོག་གྲགས་པ་ཁོ་ནར་བརྟེན་ནས་ངོ་ཤེས་བྱུང་། གཅིག་དགུ་ལྔ་བཅུའི་ནང་དུ་ཁོང་ངའི་དགེ་ཐོན་སློབ་གྲྭར་བགྲོ་གླེང་ཞིག་གི་སྐབས་གཟུར་དཔང་བར་ཕེབས་སྐབས་ཐེངས་ཤིག་མཇལ་མྱོང་ཡོད། ངས་ཁོང་མཇལ་བ་ཐེངས་རྗེས་མ་དེ་གཅིག་དགུ་དགུ་ཅུའི་ལོར་རེད།

རྗེ་ཙོང་ཁ་པ་ལ་ཕུལ་བའི་སྙན་ངག་ཚན་པ་གཉིས།



ཙོང་ཁ་པ།

ཙོང་ཁ་པ།
དུས་རབས་འགའི་ཡར་སྔོན་དུ།
ཁྱེད་ཉིད་བཞུད་ཟིན་འདུག
སྙན་གྲགས་དང་མཛད་རྗེས།
ད་དུང་། སློབ་ཚོགས་གྲངས་མེད་ཅིག་བཞག་ནས་བཞུད་ཟིན་འདུག

Monday, December 23, 2013

ཁྱེད་རང་ཁུ་སིམ་མེར་བུད་སོང་འདུག ཁུ་སིམ་མེར་ཡོང་བ་བཞིན་དུ།



དགུན་གྱི་གྲང་རླུང་ཤིན་ཏུ་རྩུབ་པའི་དུས་ཚིགས་འདིར།
ཁྱེད་རང་ཁུ་སིམ་མེར་བུད་སོང་འདུག ཁུ་སིམ་མེར་ཡོང་བ་བཞིན་དུ།
ཁྱེད་ཀྱིས་ང་ལ་རྟགས་དང་མཚན་མ་ཙམ་ཡང་མ་བཞག་པར་བུད་སོང་འདུག
ཁྱེད་ཀྱིས་ལམ་དུ་རྐང་རྗེས་ཙམ་ཡང་མ་བཞག་པར་བུད་སོང་འདུག

Monday, December 16, 2013

ཉིན་ཞག་གི་ཐ་མག (སྙན་ཚོམ།)



སྙིང་གཏམ།

སྙིང་གཏམ་ཚིག་གསུམ་བཤད་ན།
ཁྱེད་མེད་དུས།
ངའི་སེམས་པ་སྟོང་ལྷོང་ལྷོང་གི་ཚོར་བས་གང་ཞིང་།
ཀླད་པར་ན་བུན་ཞིག་འཐིབ་འོང་སྟེ།
ཅི་ཡང་འཆར་རྒྱུ་མེད་པར་འགྱུར་འགྲོ།

Thursday, December 12, 2013

ཟླ་འོད་འོག་ཏུ་ལི་པེ་ལ་བྲིས་པ།


ལོ་དང་ཟླ་བའི་ས་རྡུལ་གྲངས་མེད་ས་གཞིར་འཐོར་བའི་མར་ལོག་ཏུ།།
ཁྱེད་ཀྱིས་བསིལ་ཆང་གྲོགས་སུ་བསྟེན་ཏེ་སྙན་ངག་བྲིས་པའི་ཐག་རིང་ཏུ།།
ང་ཡིས་གཅིག་པུར་ཟླ་བའི་འོག་ཏུ་གློག་ཀླད་ཁ་སྒོ་ཕྱེ་བྱས་ཏེ།།
སྙན་ངག་པ་ཁྱེད་ཡོད་པའི་ཁུལ་གྱིས་ཁ་བརྡ་ལན་ཞིག་བྱེད་པར་འདོད།།



Tuesday, November 26, 2013

ང་རང་ལྟ་བུའི་ཉིན་ཞིག

------ཁྱེད་རང་རྨི་ལམ་དུ་མཇལ་རྗེས།

རླུང་བུ་ཞིག ཁྱེད་དྲན་བཞིན་པའི་ངའི་སེམས་པ་ལྟར།
འཁྱག་ཤུར་ཤུར་ལྡང་བྱུང་།
གནམ་རྒན་མོས་ཀྱང་། བརྩེ་བའི་གཟེབ་ཏུ་ཚུད་པའི་ཁོ་བོ་ལྟར།
གདོང་གནག་ཐུབ་ཚོད་ཅིག་གནག་རྗེས།
མིག་ཆུ་ལྟ་བུའི་ཆར་ཐིགས་འགའ་གཏོར་མོད།
ལོ་ཉེས་བྱུང་ཟིན་པའི་ཞིང་པ་ཚོར།
ཆར་ཐིགས་འགའ་དེས་ཅི་ཞིག་བྱ་ཨང་།
(ཁྱེད་དང་ཞིང་པ་ཚོ་མི་མཚུངས་ནའང་།)
ངའི་མིག་ཆུ་ཁྱེད་ལ་ཕན་ཐོགས་མེད་པ་ཇི་བཞིན།

Monday, November 18, 2013

ང་ཁྱེད་ལ་དགའ་བ་དེ་དགའ་བ་གང་ལས་ཀྱང་ལྷག




གཉིད་མི་ཁུག་པའི་མཚན་མོ་འདིར།
ངས། ང་མི་གྲག་པའི་བུ་མོ་ཁྱེད་དྲན།
སྟོང་འདང་གི་ཁྲོད་ནས།
ངེད་གཉིས་ཀྱིས་མཁར་གཞིས་བརྩིགས་ཤིང་བུ་ཕྲུག་བཙས་ཏེ།
ཁྱིམ་ཚང་ཞིག་གི་དབུ་ཁྱུད་བྲིས།

སྙིང་རྗེ་མེད་པའི་བུད་མེད་མཛེས་མ།


La belle dame sans mercy*

ང་ཅི་ཙམ་ཁྱེད་ལ་ཉེ་བར་བཅར་ཐབས་བྱས་ཀྱང་།
ཁྱེད་དང་རྒྱང་རིང་དུ་གྱེས་འགྲོ་བ་འདི་ཅི།

ངས་ཁྱེད་མེ་ཏོག་ཅིག་ཏུ་བསམས་ནས།
ལག་པ་ཕར་ལ་བསྲིངས་མོད།
ཁྱེད་ནི་འཇའ་ཚོན་ཞིག་དང་འདྲ་བར།
ལག་ཏུ་ཡེ་ནས་འཛིན་ཐབས་མ་བྱུང་།

Saturday, November 9, 2013

གཤིས་བཟང་མ།

---- ཁྱེད་ཀྱི་སྙན་ངག་ལ་མཉན་རྗེས།

རྨི་ལམ་མ་ཡིན་པའི་རྨི་ལམ་གྱི་ཞིང་ཁམས་ནས།
ངས་སྡུག་བསྔལ་མ་ཡིན་པའི་སྡུག་བསྔལ་གཞན་ཞིག་མྱོང་།
ད་ལྟ།  ངས་སུ་ཡང་མི་དྲན་པར།
ཁྱེད་ཁོ་ན་སེམས་ཀྱི་ཁང་བཟང་དུ་བཞེངས་ནས།
བདུག་པ་ལྟ་བུའི་སེམས་ཚོར་གཞན་ཞིག་མེ་རུ་སྦར་གྱིན་ཡོད།
ཡོན་ཆབ་ལྟ་བུའི་སྐྱོ་གདུང་གཞན་ཞིག་ཆུ་རུ་བཞུར་གྱིན་ཡོད།

Thursday, October 17, 2013

ཆམ་ནད་གླུ་རུ་གྱེར་བ།



 ཝཱ་ཎའི་གནམ་གཤིས་མཛེས་མའི་སེམས་ཁམས་འདྲ་བས།།
ཁ་སང་དྲོ་ལ་དེ་རིང་འཁྱག་པར་གྱུར་འདུག
ང་ནི་གླེན་པ་གནམ་གཤིས་ཡིད་ཆེས་བྱས་ཏེ།།
དེ་རིང་ཆམ་ནད་ལྕི་མོས་ལུས་པོ་མནར་སོང་།།



Monday, October 14, 2013

གནམ་རྒན་མ་ངུས་ངུས་པས།



གནམ་རྒན་མ་ངུས་ངུས་པས།
ད་ནི་ངའི་མིག་ཆུའང་རྫོགས་སོང་བར་འདྲ།
གཡུ་འབྲུག་སྔོན་མོའི་མཇུག་མར་འཇུས་འཇུས་པས།
ད་ནི་མགོ་བོའང་གཟེར་བྱུང་།
བུ་མོ་དེ་གང་དུ་བུད་སོང་། ལྷ་མོ་དེ་གང་ལ་ཆས་སོང་།
བརྩེ་བ་རུམ་གང་ཉར་བའི་བུ་མོ་ཡ། ཁྱེད་གང་དུ་ཡོད།

                                                ༢༠༡༣  ༡༠  ༡༤ཆར་པ་རྫོགས་རྒྱུ་མེད་པ་ཞིག་བབས་རྗེས།

ཆར་པའི་ཁྲོད་ཀྱི་ཁེར་ལབ་ཐན་ཐུན།



ཆར་པས་གཙེས་པའི་བྱེའུ་ཆུང་ཁེར་རྐྱང་དེ།
སྐམ་ལ་རེ་བའི་ལོ་མ་སྐྱ་བོ་དེ།
ཆར་ཆུ་ལ་སུན་པའི་ཤིང་སྡོང་ཁེར་རྐྱང་དེ།
ཨ་མ་ཕྱི་རོལ་དུ་བུད་སོང་ཞིང་། ནང་དུ་ཁྱིམ་མི་གཞན་མེད་པའི་བྱིས་པ་ཁེར་རྐྱང་དེ།
རོགས་ལོ་རྔོན་པས་བསད་སོང་བའི་ཡུ་མོ་ཁེར་རྐྱང་དེ།
ཤུགས་རིང་ནར་ནར་གྱིས་རང་གི་མཛའ་བོར་སྒུག་བཞིན་པའི་བུ་མོ་ཁེར་རྐྱང་དེ།

Saturday, October 12, 2013

དྲག་ཆར་ཞིག་གི་རྗེས་སུ།



ཁྱེད་མཚོ་བྱུང་ལྷ་མོར་སྤྲུལ་ནས།
ང་ལ་སྙན་ངག་གི་དངོས་གྲུབ་གནང་བྱུང་།
ངས་རང་སེམས་ཀྱི་ཕུག་པ་རུ།
འཇའ་ཚོན་གྱི་དར་ཐག་ལ་འཇུས་ནས།
རང་ཉིད་ནི་འཇིག་རྟེན་ཐོག་གི་མི་སྐྱིད་ཤོས་དེ་ཡིན་སྙམ།

དྲག་ཆར་དེའི་འཇིགས་པས་ང་དངངས་པར་རྩོམ་དུས།
ང་ལ་ཁོད་ཡངས་པའི་ཆར་གདུགས་ཤིག་གི་རེ་འདོད་ཅི་འདྲའི་ཆེ་ཨང་།
ཡིན་ཡང་། སྒྱུ་འཕྲུལ་གྱི་གར་ལ་ཐོགས་པ་མེད་པའི་ཁྱེད།
ཆུ་འཁྱག་ཕོར་བ་གང་དུ་སྤྲུལ་ནས།
ངའི་བྲང་ཁ་ནས་བཞུར་ཏེ།
ངའི་གློ་སྙིང་མཆིན་གསུམ་བརླན་པར་བསྒྱུར་སོང་། གྲང་མོར་བསྒྱུར་སོང་།

Wednesday, October 9, 2013

ཆར་དུས་ཀྱི་སྙན་ངག


The poem of monsoon 
(translated into English by the author along with Lobsang Wangdue and done some poetic brushes by Lobsang Wangdue)



གཡེང་བ་སྤངས་ནས་བློ་རིག་སྒྲིམ་བཞིན་དཔེ་ཆ་ཀློག་པར་འབད་པའི་སྐབས།།
ཁོ་བོས་སྐད་ཅོར་ཆུང་ཚགས་ཀྱིས་ཀྱང་ཁྱེད་ལ་གནོད་པ་མི་བྱེད་ཕྱིར།།
དཔེ་ཁང་ཧྲིལ་བོའི་སྒེའུ་ཁུང་ཡོངས་རྫོགས་དམ་པོར་འདོན་ལ་བརྩོན་པར་མོས།།
When you bend your head on one side, with a book in your hand, and try to get engrossed in your reading, I want to shut all the windows to make sure that nothing disturbs you.

Sunday, October 6, 2013

ནམ་ཞིག་ལ་ངེད་གཉིས་ཀྱིས་འཚོ་བའི་ཆར་གདུགས་གཅིག་གི་འོག་ཏུ་ཆར་གཡོལ་བྱ་སྲིད་དམ།

ངས་དུས་ཡུན་རིང་པོ་ཞིག་གི་རྗེས་སུ་སླར་ཡང་རྟོག་བཏགས་ཀྱི་ཞིང་ཁམས་ཤིག་ཡིད་མཁར་བཞེངས།
ཞིང་ཁམས་དེར་ཁྱེད་ཀྱིས་ལྗང་མདོག་གི་སྟོད་ཐུང་ཞིག་དང་སྔོ་མདོག་གི་ཕྱུ་པ་ཞིག་གྱོན་སྟེ།
ཤིན་ཏུ་བག་ཡངས་ཀྱིས་རྒྱུ་ཞིང་།
སུའང་ཡིད་སེམས་གཡོ་བར་བྱེད་པའི་འཛུམ་མདངས་དེས་ཞིང་ཁམས་དེར་མཛེས་སྡུག་གཞན་ཞིག་བསྣན་འདུག
ངས་ལག་གཡས་སུ་པིར་ཞིག་ཐོགས་ནས་ལག་གཡོན་པས་འགྲམ་པ་སྐྱོར་བཞིན།
མཛེས་སྡུག་ལྡན་པའི་ཞིང་ཁམས་དེར་ད་དུང་ཅི་ཞིག་ཁ་སྣོན་བྱེད་དགོས་མིན་ལ་མནོ་བསམ་གཏོང་བཞིན་པའི་སྐབས།

Saturday, August 24, 2013

བརྡ་སྤྲོད་བསླབས་ཆེས་པའི་ཉེས་དམིགས།

བརྡ་སྤྲོད་བསླབས་ཆེས་པའི་ཉེས་དམིགས།
  ----བཙན་བྱོལ་བའི་རིག་གནས་སློབ་གསོ་མདོར་ཙམ་གླེང་བ།


བཙན་བྱོལ་དུ་འབྱོར་ནས་ལོ་ངོ་བཅུ་ཕྲག་ལྔ་ཙམ་སོང་རྗེས་རང་རེའི་མི་རིགས་སློབ་གསོས་བརྒྱུད་པའི་ལམ་བུ་ལ་ཕྱིར་བལྟས་ཤིག་སློག་སྐབས་དེ་འདྲ་ཡིད་ཚིམས་པ་ཞིག་མ་རེད། དེ་བས་བསམ་ཡོད་བསམ་མེད་ཚང་མས་སློབ་གསོའི་གནས་བབ་འདི་བསྒྱུར་དགོས་པའི་བསམ་ཚུལ་འཆང་གིན་ཡོད་ལ། འབུམ་རམས་པ་བློ་བཟང་སེང་གེ་མཆོག་སྲིད་ཁྲིར་ཕེབས་དུས་ཀྱང་ཤེས་ཡོན་ནི་ཁོང་གི་དམིགས་གཏད་གཙོ་བོ་ཡིན་པའི་བསྒྲགས་གཏམ་སྤེལ་གནང་ཡོད།

དེ་ལ་༧གོང་ས་རྒྱལ་བ་ཐམས་ཅད་མཁྱེན་པས་ཀྱང་དུས་ནས་དུས་སུ་བཀའ་གནང་ཡོད་པ་དཔེར་ན། གཅིག་དགུ་

Wednesday, May 1, 2013

བོད་ཀྱི་སྤྲུལ་སྐུ་རྗེས་མ་ཡིན་སྲིད་དམ། ངོ་མ་ཡིན་ནམ།




འབུམ་རམས་པ་བསྟན་འཛིན་རྡོ་རྗེས་བརྩམས། འཇམ་དབྱངས་གྲགས་པས་བསྒྱུར།

འཇམ་དབྱངས་ནོར་བུས་བརྩམས་པའི་བོད་ཀྱི་སྤྲུལ་སྐུ་རྗེས་མ་ཡིན་སྲིད་དམ། དབུས་བོད་མིའི་སྒྲིག་འཛུགས་ཀྱི་རྩ་ཁྲིམས་དང་འབྲེལ་བའི་རྩོད་རྙོག་དང་། མགོ་འཐོམས། ལྐོག་ཇུས་ཀྱི་སྐོར།ཞེས་པའི་རྩོམ་ཡིག་འདིའི་ནང་དུ་བོད་ཀྱི་སྤྱི་ཚོགས་ཀྱི་སྲིད་བྱུས་དང་། དབུ་ཁྲིད་སྟངས། མང་གཙོ་བཅས་ཀྱི་སྐོར་ལ་བསམ་ཚུལ་གནད་འགག་ཅན་འགའ་འཁོད་འདུག ཐོག་དང་པོར་ངས་ང་ཚོའི་ད་ལྟ་དང་མ་འོངས་པར་འབྲེལ་བའི་བརྗོད་གཞི་རྣམས་ཀྱི་ཐོག་བགྲོ་གླེང་བྱེད་འདོད། དེ་ནི་མང་གཙོའི་ལམ་ལུགས་ཀྱི་ནང་དུ་ལས་ཀ་ཚགས་ཚུད་པོ་ཡོང་བ་དང་ཐག་གཅོད་བྱེད་ཕྱོགས་ཀྱི་ཐད་གལ་ཆེན་པོ་ཆགས་ཡོད། རྩོམ་ཡིག་འདི་དང་འབྲེལ་ནས་གླེང་ན་ངས་གནད་དོན་འགའ་ཞིག་གི་ཐོག་ལྟ་ཕྱོགས་མ་འདྲ་བའི་སྒོ་ནས་བགྲོ་གླེང་བྱས་ཡོད།

Monday, April 29, 2013

ང་ཧ་ལས་སོང་།


བོད་མི་མང་སྤྱི་འཐུས་བློ་བཟང་ཡེ་ཤེས་ཀྱིས་བརྩམས།

འཇམ་དབྱངས་གྲགས་པས་བསྒྱུར།

རྒྱ་ནག་གཞུང་གིས་བོད་ལ་བཙན་འཛུལ་བྱས་པའི་ལོ་ངོ་བཅུ་ཕྲག་འགའི་རིང་༸གོང་ས་མཆོག་འཛམ་གླིང་ཞི་བདེ་སྐྲུན་མཁན་གྱི་མཚན་སྙན་རྒྱས་བཞིན་པར་ཁ་གཏོད་གཅོག་ཕྱིར་དང་། ཁྲིམས་འགལ་གྱིས་བོད་ལ་བཙན་འཛུལ་བྱས་པ་དེ་ཁྲིམས་མཐུན་བྱ་ཕྱིར། བླ་ན་མེད་པའི་དབུ་ཁྲིད་༸གོང་ས་སྐྱབས་མགོན་ཆེན་པོ་མཆོག་ལ་རྒྱུན་མི་ཆད་པར་མཚན་སྨད་བྱེད་བཞིན་ཡོད། སྐྱོན་བརྗོད་འདི་དག་ལ་བདེན་པའི་ཆ་ཅུང་ཟད་ཀྱང་མེད་ལ་འཛམ་གླིང་གི་སྐྱེ་བོ་རྣམས་ལའང་མགོ་སྐོར་བཏང་ཐུབ་མེད་མོད། ཡིན་ཡང་འཛམ་གླིང་ས་ཁུལ་གང་སར་གནས་པའི་བོད་མི་རྣམས་ཁོང་ཚོའི་འཐབ་རྩོད་ཀྱི་ཆེས་དཀའ་ཚེགས་ཅན་གྱི་དུས་སྐབས་ལ་ཁོ་ཚོ་བྱམས་ཀྱིས་སྐྱོང་བར་མཛད་པའི་བླ་ན་མེད་པའི་དབུ་ཁྲིད་ཁོང་ལ་གཞི་མེད་བསྙོན་འཛུགས་ཀྱིས་སྐྱོན་བརྗོད་བྱས་པར་ཁོང་ཁྲོ་དང་བློ་ཕམ་ཚད་མེད་ཡོང་གིན་ཡོད།

Sunday, March 3, 2013

Robert Frost quotes རོ་བྷེ་ཊ་ཧྤ་རོ་སི་ཊིའི་འཁོལ་ཚིག


The brain is a wonderful organ; it starts working the moment you get up in the morning and does not stop until you get into the office
ཀླད་པ་འདི་ཡན་ལག་ཡ་མཚན་ཅན་ཞིག་རེད།  ཞོགས་པར་ལངས་པ་དང་འདིས་ལས་ཀ་བྱེད་མགོ་འཛུགས་ཤིང་ལས་ཁུངས་སུ་མ་སླེབས་བར་དུ་མཚམས་མི་བཞག
A mother takes twenty years to make a man of her boy, and another woman makes a fool of him in twenty minutes.
ཨ་མ་ཞིག་ལ་མཚོན་ན་རང་གི་བུ་དེ་མི་ཆ་ཚང་བར་བྱེད་པར་ལོ་ཉི་ཤུ་ཙམ་འགོར་མོད།  བུད་མེད་གཞན་ཞིག་གིས་ཁོ་རྨོངས་པར་བྱེད་པར་སྐར་མ་ཉི་ཤུ་ལས་མི་འགོར།

Tuesday, February 26, 2013

བཟི་ཞིག


 
ཆར་ལེས་བྷོ་ཌེ་ལེར་གྱིས་བརྩམས།
ལུའུ་སི་སིམ་སཱོན་གྱིས་དབྱིན་ཡིག་ཏུ་བསྒྱུར།
འཇམ་དབྱངས་གྲགས་པས་བོད་ཡིག་ཏུ་བསྒྱུར།
 
ཁྱེད་རྟག་ཏུ་བཟི་བར་འོས། དེ་ནི་ཁྱེད་ལ་ཡོད་པའི་ལམ་བུ་གཅིག་པུ་དེ་རེད། ཁྱེད་ཀྱི་སྒལ་བ་གཅོག་པར་བྱེད་ཅིང་། ཁྱེད་ས་ལ་སྦྱོར་བར་བྱེད་པའི་དུས་ཚོད་ཀྱི་ལྗིད་ཚོད་འཇིགས་པོ་དེ། ཚོར་མི་འདོད་ན། ཁྱེད་མུ་མཐུད་དུ་བཟི་བར་འོས།

འོན་ཀྱང་ཅི་ཞིག་གིས་བཟིའམ་ཞེ་ན།  ཆང་ངམ་སྙན་ངག ཡང་ན་དགེ་བ་སོགས་ཁྱེད་ཀྱི་འདོད་པ་བཞིན་གདམ་ཆོག  གང་ལྟར་ཁྱེད་བཟི་བར་བྱེད་དགོས།
 

Friday, February 15, 2013

སྨོན་འོས་པའི་བླ་སྲོག

—-དགེ་འདུན་ཆོས་འཕེལ་དང་དོན་གྲུབ་རྒྱལ་གཉིས་ལ་ཅུང་ཙམ་དཔྱད་པ།

བསྟན་འཛིན་ཉིན་བྱེད་ཀྱིས་བརྩམས། འཇམ་དབྱངས་གྲགས་པས་བསྒྱུར།

མི་རིགས་ཤིག་གི་ཚེ་སྲོག་དེ་མི་རིགས་དེའི་ལོ་རྒྱུས་དང་། རིག་གནས། རྩོམ་རིག ཆོས་ལུགས། སྒྱུ་རྩལ་བཅས་ཀྱི་ཐོག་གནས་ཡོད། འདི་ཚོ་རྒྱ་གར་ནང་གི་བོད་ཀྱི་སློབ་གྲྭ་ཁག་ཏུ་སློབ་ཀྱིན་ཡོད་མོད། བོད་པའི་སློབ་མ་དེ་དག་གི་དོ་སྣང་བྱེད་སྟངས་ལ་བལྟས་ཏེ་བཤད་ན་ཡར་སྐྱེད་ཆེན་པོ་ཕྱིན་མེད། འདིའི་རྒྱུ་རྐྱེན་གཅིག་ནི་ང་ཚོས་སློབ་མ་དེ་དག་ལ་རང་གི་བསམ་བློ་ཡར་རྒྱས་འགྲོ་བའི་ཐབས་ལམ་ཞིག་བརྒྱུད་ནས་སློབ་ཁྲིད་བྱེད་མ་ཐུབ་པས་རེད། ང་ཚོའི་སློབ་མ་དེ་དག་ལ་དྲི་བ་འདྲི་བའི་སྐུལ་མ་བྱེད་ཀྱིན་མེད།




Monday, January 14, 2013

བོད་ཀྱི་སྲོལ་རྒྱུན་སྙན་ངག་དང་དེང་རབས་སྙན་ངག་ལ་དཔྱད་པ།

སྔོན་གླེང་།
བོད་ཀྱི་སྲོལ་རྒྱུན་སྙན་ངག་དང་དེང་རབས་སྙན་ངག་གཉིས་ནི་རང་རྐྱ་ཐུབ་པའི་སྙན་ངག་གསར་རྙིང་གཉིས་ཡིན།འདི་གཉིས་ལ་རང་རང་གི་ཁྱད་ཆོས་དང་རང་རང་གི་དགེ་མཚན་གྱིས་གཏམས་ནས་ཡོད།སྲོལ་རྒྱུན་སྙན་ངག་ལ་ཆ་མཚོན་ན་ཚིག་སྦྱོར་བཟང་ཞིང་བཅད་མཚམས་གསལ་བས་རོལ་དབྱངས་ཀྱི་ཉམས་ལྡན་པར་བྱས་ཤིང་།སྒྲ་རྒྱན་རེ་ཟུང་ལ་སྒྲིག་ཁྲིམས་ཅུང་དམ་པ་ཕུད་སྙན་ངག་བྱིངས་ནི་རྒྱ་དཀར་ནག་དང་ཕྱི་གླིང་སོགས་ཀྱི་སྙན་ངག་ལས་རང་དབང་ཆེ་བ་ཡོད།
བོད་ཀྱི་དེང་རབས་སྙན་ངག་ལས་རང་མོས་སྙན་ངག་ནི་ཕལ་པའི་ཐ་སྙད་དང་ཕལ་པའི་ཚིག་སྦྱོར་བཀོལ་ཏེ་འབྲི་ལ།སྙན་ངག་པའི་དབུགས་ཀྱི་འདེག་འཇོག་ལྟར་ཚིག་གི་གཅོད་མཚམས་ཕྱེ་བས་ཚིག་གི་གཅོད་མཚམས་ལ་འདི་ཡིན་གྱི་ཚད་འཛིན་མེད།ཕྱི་ནང་གི་རིང་ལུགས་ཡོངས་རྫོགས་ཀྱི་དགེ་མཚན་སྤྱོད་ཅིང་།འཇིག་རྟེན་གྱི་དངོས་པོ་ཡོངས་རྫོགས་བརྗོད་བྱར་བཟུང་ཡོད།
ཉམས་ཕུན་སུམ་ཚོགས་པའི་སྙན་ངག་གསར་རྙིང་འདི་གཉིས་ལ་འདི་ལེགས་དང་དེ་ཉེས་ཞེས་དབྱེ་བ་ཕྱེ་དགོས་པ་མ་མཐོང་ཡང་།རང་གི་བློས་བཅོག་ཚད་ཀྱིས་དཔྱད་པ་ཞིག་བྱེད་འདོད་པ་ལགས།




གཟི་མདངས་ཅན་དུ་འཁྲུངས་ཤིང་སྙིང་རྗེ་ལྡན་པར་འཁྲུངས།


Born glamorous, born compassionate

 

Author Chetan Bhagat writes exclusively for TOI about his meeting with the Dalai Lama.

རྩོམ་པ་པོ་ཆེ་ཏཱན་བྷ་ག་ཏས་རྒྱ་གར་དུས་བབ་ལ་ཏཱ་ལའི་བླ་མ་མཆོག་དང་མཇལ་བའི་སྐོར་བྲིས་པ།

Mumbai is a city known for its
glamour events. Glittering film premieres, snazzy award ceremonies and flamboyant fashion shows occur round the year. In fact, the advertising tagline of the Bombay Times you hold is "born glamorous".
མུའུ་བྷེ་ནི་ཁྲ་ཁྲ་ཟིང་ཟིང་གི་ལས་ཀའི་ཐོག་སྐད་གྲགས་ཡོད་པའི་གྲོང་ཁྱེར་ཞིག་རེད།  བཀྲག་མདངས་ལྡན་པའི་གློག་བརྙན་ཁྱབ་སྒྲོགས་དང་།  མཛེས་སྡུག་ལྡན་པའི་ལེགས་སྐྱེས་འབུལ་བའི་དུས་སྟོན།  ཚོན་མདངས་རྣམ་པར་བཀྲ་བའི་གྱོན་གོས་དཔེ་གསར་སྟོན་མོ་བཅས་ལོ་ལྟར་ཚོགས་བཞིན་ཡོད་པས།  བྷོམ་བྷེ་དུས་བབ་ཀྱི་ཁྱབ་སྒྲོགས་སྟེགས་བུ་ནི་སྐྱེ་བ་ཉིད་ནས་གཟི་མདངས་དང་ལྡན་པརེད།

in the city of glitz, one could wonder if an event by a spiritual leader would have any impact. And yet, the Dalai Lama's event would go down as one of the best events of the year. For many events manage the razzmatazz, but few actually manage to touch you.

མང་པོ་ཞིག་གིས་རྒྱས་སྤྲོས་ཆེ་བའི་གྲོང་ཁྱེར་གྱི་ནང་དུ་ཆོས་ལུགས་ཀྱི་དབུ་ཁྲིད་ཅིག་གི་བྱ་བས་ཤུགས་རྐྱེན་ཐེབས་ཐུབ་བམ་དྲན་སྲིད་མོད།  ཏཱ་ལའི་བླ་མ་མཆོག་གི་ལས་འགུལ་ནི་ལོ་འདིའི་ལས་འགུལ་ལེགས་ཤོས་ཤིག་ཏུ་གྱུར་སོང་།  གང་ལགས་ཤེ་ན་ལས་འགུལ་མང་པོ་ཞིག་གིས་ཡིད་སེམས་འགུག་ཐབས་བྱེད་མོད་ཡིད་དུ་འཐད་པ་ནི་རེ་གཉིས་ཙམ་རེད།