བརྩེ་བས་ལྟེམས་པའི་ལོ་ཟླ།(དེབ།)

རྩོམ་སྒྲིག་བྱེད་བཞིན་ཡོད།

གྲོག་མ།(དེབ།)

རྩོམ་སྒྲིག་བྱེད་བཞིན་ཡོད།

ཚེ་འབར།

          ----རང་ལུས་མཆོད་མེར་བསྒྲོན་པའི་རྒྱལ་གཅེས་དཔའ་བོ་དཔའ་མོ་ཚོ་ལ་ཕུལ།

འབར་གྱིན་པའི་ཁྱེད་ཀྱི་འོད་ངོགས་ནས།

ངས་རེས་གསལ་རེས་མོག་གི་བོད་ཡུལ་མཐོང་བྱུང་།

མྱ་ངན་གྱི་འོ་དོད་ཐོས་བྱུང་།

ཞེ་སྨེང་བའི་གླུ་སྒྲ་ཡང་ངའི་ཕྱོགས་སུ་སྤུར་བྱུང་།

བྱེས་ཀྱི་ཐུག་འཕྲད།

          མེ་འཁོར་གྱིས་དུང་བརྡ་རྒྱུན་རིང་པོ་ཞིག་བཏང་རྗེས་བསམ་འགྲུབ་འདུ་འཛི་ཆེ་བའི་གྲོང་ཁྱེར་འདིའི་སྐད་གྲགས་ཅན་གྱི་མེ་འཁོར་ས་ཚིགས་སུ་འབྱོར། ཁོས་ལག་སྒམ་དེ་ལག་གཡས་པར་ཁུར་ཏེ་གོམ་ཞེང་ཆེན་པོས་སྐད་ཅོར་ཆེ་བའི་མི་ཚོགས་བཤགས་ནས་སྐས་འཛེག་རིམ་པ་གཉིས་ཙམ་བབས་ཤིང་། སླར་ཡང་ཕར་ཕྱོགས་ནས་སྐས་འཛེག་རིམ་པ་གཉིས་ཙམ་ཡར་འཛེགས། དེ་ནས་ཡང་རྡོ་གཅལ་སྟེང་ནས་ཅུང་སོང་བས་གཞི་ནས་མེ་འཁོར་ས་ཚིགས་ཀྱི་ཕྱིར་ཐོན་ཐུབ་སོང། ཁོས་གླ་འཁོར་ཁ་ལོ་བར་སྔོན་མངགས་བྱས་པའི་མགྲོན་ཁང་གི་མིང་བྱང་བསྟན་ཙམ་བྱས་རྗེས་གོང་ཚད་གཏམས་ནས་ཤར་རེར་ལམ་ལ་བུད།