རྗེ་ཙོང་ཁ་པ་ལ་ཕུལ་བའི་སྙན་ངག་ཚན་པ་གཉིས།

ཙོང་ཁ་པ།

ཙོང་ཁ་པ།

དུས་རབས་འགའི་ཡར་སྔོན་དུ།

ཁྱེད་ཉིད་བཞུད་ཟིན་འདུག

སྙན་གྲགས་དང་མཛད་རྗེས།

ད་དུང་། སློབ་ཚོགས་གྲངས་མེད་ཅིག་བཞག་ནས་བཞུད་ཟིན་འདུག

ཁྱེད་རང་ཁུ་སིམ་མེར་བུད་སོང་འདུག ཁུ་སིམ་མེར་ཡོང་བ་བཞིན་དུ།

དགུན་གྱི་གྲང་རླུང་ཤིན་ཏུ་རྩུབ་པའི་དུས་ཚིགས་འདིར།

ཁྱེད་རང་ཁུ་སིམ་མེར་བུད་སོང་འདུག ཁུ་སིམ་མེར་ཡོང་བ་བཞིན་དུ།

ཁྱེད་ཀྱིས་ང་ལ་རྟགས་དང་མཚན་མ་ཙམ་ཡང་མ་བཞག་པར་བུད་སོང་འདུག

ཁྱེད་ཀྱིས་ལམ་དུ་རྐང་རྗེས་ཙམ་ཡང་མ་བཞག་པར་བུད་སོང་འདུག

ཉིན་ཞག་གི་ཐ་མག (སྙན་ཚོམ།)

སྙིང་གཏམ།

སྙིང་གཏམ་ཚིག་གསུམ་བཤད་ན།

ཁྱེད་མེད་དུས།

ངའི་སེམས་པ་སྟོང་ལྷོང་ལྷོང་གི་ཚོར་བས་གང་ཞིང་།

ཀླད་པར་ན་བུན་ཞིག་འཐིབ་འོང་སྟེ།

ཅི་ཡང་འཆར་རྒྱུ་མེད་པར་འགྱུར་འགྲོ།

ཟླ་འོད་འོག་ཏུ་ལི་པེ་ལ་བྲིས་པ།

ལོ་དང་ཟླ་བའི་ས་རྡུལ་གྲངས་མེད་ས་གཞིར་འཐོར་བའི་མར་ལོག་ཏུ།།

ཁྱེད་ཀྱིས་བསིལ་ཆང་གྲོགས་སུ་བསྟེན་ཏེ་སྙན་ངག་བྲིས་པའི་ཐག་རིང་ཏུ།།

ང་ཡིས་གཅིག་པུར་ཟླ་བའི་འོག་ཏུ་གློག་ཀླད་ཁ་སྒོ་ཕྱེ་བྱས་ཏེ།།

སྙན་ངག་པ་ཁྱེད་ཡོད་པའི་ཁུལ་གྱིས་ཁ་བརྡ་ལན་ཞིག་བྱེད་པར་འདོད།།

ང་རང་ལྟ་བུའི་ཉིན་ཞིག

------ཁྱེད་རང་རྨི་ལམ་དུ་མཇལ་རྗེས།

རླུང་བུ་ཞིག ཁྱེད་དྲན་བཞིན་པའི་ངའི་སེམས་པ་ལྟར།

འཁྱག་ཤུར་ཤུར་ལྡང་བྱུང་།

གནམ་རྒན་མོས་ཀྱང་། བརྩེ་བའི་གཟེབ་ཏུ་ཚུད་པའི་ཁོ་བོ་ལྟར།

གདོང་གནག་ཐུབ་ཚོད་ཅིག་གནག་རྗེས།

མིག་ཆུ་ལྟ་བུའི་ཆར་ཐིགས་འགའ་གཏོར་མོད།

ལོ་ཉེས་བྱུང་ཟིན་པའི་ཞིང་པ་ཚོར།

ཆར་ཐིགས་འགའ་དེས་ཅི་ཞིག་བྱ་ཨང་།

(ཁྱེད་དང་ཞིང་པ་ཚོ་མི་མཚུངས་ནའང་།)

ངའི་མིག་ཆུ་ཁྱེད་ལ་ཕན་ཐོགས་མེད་པ་ཇི་བཞིན།

ང་ཁྱེད་ལ་དགའ་བ་དེ་དགའ་བ་གང་ལས་ཀྱང་ལྷག

གཉིད་མི་ཁུག་པའི་མཚན་མོ་འདིར།
ངས། ང་མི་གྲག་པའི་བུ་མོ་ཁྱེད་དྲན།

སྟོང་འདང་གི་ཁྲོད་ནས།

ངེད་གཉིས་ཀྱིས་མཁར་གཞིས་བརྩིགས་ཤིང་བུ་ཕྲུག་བཙས་ཏེ།

ཁྱིམ་ཚང་ཞིག་གི་དབུ་ཁྱུད་བྲིས།

སྙིང་རྗེ་མེད་པའི་བུད་མེད་མཛེས་མ།

^{La belle dame sans mercy*}

ང་ཅི་ཙམ་ཁྱེད་ལ་ཉེ་བར་བཅར་ཐབས་བྱས་ཀྱང་།

ཁྱེད་དང་རྒྱང་རིང་དུ་གྱེས་འགྲོ་བ་འདི་ཅི།

ངས་ཁྱེད་མེ་ཏོག་ཅིག་ཏུ་བསམས་ནས།

ལག་པ་ཕར་ལ་བསྲིངས་མོད།

ཁྱེད་ནི་འཇའ་ཚོན་ཞིག་དང་འདྲ་བར།

ལག་ཏུ་ཡེ་ནས་འཛིན་ཐབས་མ་བྱུང་།

གཤིས་བཟང་མ།

།

---- ཁྱེད་ཀྱི་སྙན་ངག་ལ་མཉན་རྗེས།

རྨི་ལམ་མ་ཡིན་པའི་རྨི་ལམ་གྱི་ཞིང་ཁམས་ནས།

ངས་སྡུག་བསྔལ་མ་ཡིན་པའི་སྡུག་བསྔལ་གཞན་ཞིག་མྱོང་།

ད་ལྟ།  ངས་སུ་ཡང་མི་དྲན་པར།

ཁྱེད་ཁོ་ན་སེམས་ཀྱི་ཁང་བཟང་དུ་བཞེངས་ནས།

བདུག་པ་ལྟ་བུའི་སེམས་ཚོར་གཞན་ཞིག་མེ་རུ་སྦར་གྱིན་ཡོད།

ཡོན་ཆབ་ལྟ་བུའི་སྐྱོ་གདུང་གཞན་ཞིག་ཆུ་རུ་བཞུར་གྱིན་ཡོད།

ཆམ་ནད་གླུ་རུ་གྱེར་བ།

 ཝཱ་ཎའི་གནམ་གཤིས་མཛེས་མའི་སེམས་ཁམས་འདྲ་བས།།

ཁ་སང་དྲོ་ལ་དེ་རིང་འཁྱག་པར་གྱུར་འདུག །

ང་ནི་གླེན་པ་གནམ་གཤིས་ཡིད་ཆེས་བྱས་ཏེ།།

དེ་རིང་ཆམ་ནད་ལྕི་མོས་ལུས་པོ་མནར་སོང་།།

གནམ་རྒན་མ་ངུས་ངུས་པས།

གནམ་རྒན་མ་ངུས་ངུས་པས།

ད་ནི་ངའི་མིག་ཆུའང་རྫོགས་སོང་བར་འདྲ།

གཡུ་འབྲུག་སྔོན་མོའི་མཇུག་མར་འཇུས་འཇུས་པས།

ད་ནི་མགོ་བོའང་གཟེར་བྱུང་།

བུ་མོ་དེ་གང་དུ་བུད་སོང་། ལྷ་མོ་དེ་གང་ལ་ཆས་སོང་།

བརྩེ་བ་རུམ་གང་ཉར་བའི་བུ་མོ་ཡ། ཁྱེད་གང་དུ་ཡོད།

                                                ༢༠༡༣  ༡༠  ༡༤ཆར་པ་རྫོགས་རྒྱུ་མེད་པ་ཞིག་བབས་རྗེས།

ཆར་པའི་ཁྲོད་ཀྱི་ཁེར་ལབ་ཐན་ཐུན།

།

ཆར་པས་གཙེས་པའི་བྱེའུ་ཆུང་ཁེར་རྐྱང་དེ།

སྐམ་ལ་རེ་བའི་ལོ་མ་སྐྱ་བོ་དེ།

ཆར་ཆུ་ལ་སུན་པའི་ཤིང་སྡོང་ཁེར་རྐྱང་དེ།

ཨ་མ་ཕྱི་རོལ་དུ་བུད་སོང་ཞིང་། ནང་དུ་ཁྱིམ་མི་གཞན་མེད་པའི་བྱིས་པ་ཁེར་རྐྱང་དེ།

རོགས་ལོ་རྔོན་པས་བསད་སོང་བའི་ཡུ་མོ་ཁེར་རྐྱང་དེ།

ཤུགས་རིང་ནར་ནར་གྱིས་རང་གི་མཛའ་བོར་སྒུག་བཞིན་པའི་བུ་མོ་ཁེར་རྐྱང་དེ།

དྲག་ཆར་ཞིག་གི་རྗེས་སུ།

ཁྱེད་མཚོ་བྱུང་ལྷ་མོར་སྤྲུལ་ནས།

ང་ལ་སྙན་ངག་གི་དངོས་གྲུབ་གནང་བྱུང་།

ངས་རང་སེམས་ཀྱི་ཕུག་པ་རུ།

འཇའ་ཚོན་གྱི་དར་ཐག་ལ་འཇུས་ནས།

རང་ཉིད་ནི་འཇིག་རྟེན་ཐོག་གི་མི་སྐྱིད་ཤོས་དེ་ཡིན་སྙམ།

དྲག་ཆར་དེའི་འཇིགས་པས་ང་དངངས་པར་རྩོམ་དུས།

ང་ལ་ཁོད་ཡངས་པའི་ཆར་གདུགས་ཤིག་གི་རེ་འདོད་ཅི་འདྲའི་ཆེ་ཨང་།

ཡིན་ཡང་། སྒྱུ་འཕྲུལ་གྱི་གར་ལ་ཐོགས་པ་མེད་པའི་ཁྱེད།

ཆུ་འཁྱག་ཕོར་བ་གང་དུ་སྤྲུལ་ནས།

ངའི་བྲང་ཁ་ནས་བཞུར་ཏེ།

ངའི་གློ་སྙིང་མཆིན་གསུམ་བརླན་པར་བསྒྱུར་སོང་། གྲང་མོར་བསྒྱུར་སོང་།

ཆར་དུས་ཀྱི་སྙན་ངག

The poem of monsoon 

(translated into English by the author along with Lobsang Wangdue and done some poetic brushes by Lobsang Wangdue)

ཁྱེད་ཀྱིས་མགོ་བོ་གཞོགས་སུ་དཀྱོགས་ཤིང་ལག་ཏུ་དཔེ་དེབ་བཟུང་གྱུར་ཏེ།།

གཡེང་བ་སྤངས་ནས་བློ་རིག་སྒྲིམ་བཞིན་དཔེ་ཆ་ཀློག་པར་འབད་པའི་སྐབས།།

ཁོ་བོས་སྐད་ཅོར་ཆུང་ཚགས་ཀྱིས་ཀྱང་ཁྱེད་ལ་གནོད་པ་མི་བྱེད་ཕྱིར།།

དཔེ་ཁང་ཧྲིལ་བོའི་སྒེའུ་ཁུང་ཡོངས་རྫོགས་དམ་པོར་འདོན་ལ་བརྩོན་པར་མོས།།

When you bend your head on one side, with a book in your hand, and try to get engrossed in your reading, I want to shut all the windows to make sure that nothing disturbs you.

ནམ་ཞིག་ལ་ངེད་གཉིས་ཀྱིས་འཚོ་བའི་ཆར་གདུགས་གཅིག་གི་འོག་ཏུ་ཆར་གཡོལ་བྱ་སྲིད་དམ།

ངས་དུས་ཡུན་རིང་པོ་ཞིག་གི་རྗེས་སུ་སླར་ཡང་རྟོག་བཏགས་ཀྱི་ཞིང་ཁམས་ཤིག་ཡིད་མཁར་བཞེངས།

ཞིང་ཁམས་དེར་ཁྱེད་ཀྱིས་ལྗང་མདོག་གི་སྟོད་ཐུང་ཞིག་དང་སྔོ་མདོག་གི་ཕྱུ་པ་ཞིག་གྱོན་སྟེ།

ཤིན་ཏུ་བག་ཡངས་ཀྱིས་རྒྱུ་ཞིང་།

སུའང་ཡིད་སེམས་གཡོ་བར་བྱེད་པའི་འཛུམ་མདངས་དེས་ཞིང་ཁམས་དེར་མཛེས་སྡུག་གཞན་ཞིག་བསྣན་འདུག

ངས་ལག་གཡས་སུ་པིར་ཞིག་ཐོགས་ནས་ལག་གཡོན་པས་འགྲམ་པ་སྐྱོར་བཞིན།

མཛེས་སྡུག་ལྡན་པའི་ཞིང་ཁམས་དེར་ད་དུང་ཅི་ཞིག་ཁ་སྣོན་བྱེད་དགོས་མིན་ལ་མནོ་བསམ་གཏོང་བཞིན་པའི་སྐབས།

པོ་ཏ་ལ་ལ་ཕུལ་བ།

 

པོ་ཏ་ལ།
ཐམས་ཅད་རུལ་མྱགས་སུ་སོང་བའི་ཤུལ་དུ།
ཁྱེད་གཅིག་པུ་མཐོ་སྒང་གི་ཡང་རྩེ་ནས་འགྲེང་བ་གོ་བས་དགའ།

སྤུན་ཟླ་གྲངས་མེད་ཀྱི་ཚེ་སྲོག་དུས་ཚོད་ཀྱི་རླུང་བུས་ཁུར་ཞིང་།
ང་ཚོའི་མང་པོ་མང་པོ་ཞིག་དུས་ཚོད་ཀྱི་ཡོལ་བས་སྒྲིབ་དུས།

གློག་ཀླད་དྲ་བའི་ནང་གི་འཇིགས་པ།

 གཟབ་གཟབ་བྱོས།
མདའ་རྩེ་འགུལ་བ་ཙམ་གྱིས་དྲ་འབུ་གྲངས་མེད་ཀྱི་ལུས་ཕུང་ཚལ་བར་བཤགས་པར་ངེས།
གོམ་པ་གང་འདོད་མ་སྤོ།

གཉིད་མི་ཁུག་པའི་མཚན་མོ།

སྐྱིད་པའི་གཉིད་དེ་རྐུན་མས་ཁུར་སོང་བ་ཡིན་ནམ།
དོ་དགོང་ང་གཉིད་གཏན་ནས་མི་ཁུག
གཉིད་གཏན་ནས་མི་ཁུག་པའི་ང་།
སླར་ཡང་གློག་ཀླད་དུ་ཅེར་ཏེ།

གསར་དུ་བཞད་པའི་ལང་ཚོ།

 ངོ་མཚར་བའི་གཏམ་རྒྱུད་ཅིག་གི་གླེང་གཞི་བྲིས་པས།
ངའི་འཚོལ་སྙེགས་ཀྱི་འདུན་པ་ལ་གསོན་ཤུགས་རྒྱས།
----མགོ་བརྗོད།

མག་མོག་གི་ལོ་ཟླ་དུ་མར་གཉིད་དུ་ཡུར།
སྐུ་དྲག་གི་ཐོབ་དང་དབང་ཆར་རང་དབང་བྱིན།
འདི་ལྟར་བརྒྱུད་རིམ་ཞིག་ནས།
ཁྲག་དང་མིག་ཆུའི་ལེའུ་ཞིག

གངས་ཕྲུག་ཅིག་གི་བསྟོད་དབྱངས།

 

ཉིན་བྱེད་དབང་པོའི་གཟི་བྱིན་དང་ལྷན་དུ།
ཁྱེད་ཉིད་ཀྱི་མཚན་སྙན།
འཛམ་གླིང་གི་མཁའ་དབྱིངས་སུ་ལྡིང་།
ཞི་བདེ་དང་དབུ་མའི་ལམ་ནས།
འཛམ་གླིང་ཡངས་པའི་ཁྱོན་འདིར།
བདེ་སྐྱིད་ཀྱི་ཁོར་ཡུག་བསྐྲུན།

ལྡོམ་བུའི་དུང་བརྗོད་སྙན་ངག་ཚན་པ་གསུམ།

རྩོམ་པ་པོ། ལྡོམ་བུ།

བསམ་གྱིན་བསམ་གྱིན། ངུ་སྙིང་ཞིག་ཀྱང་འདོད་འོང་།

ཚུལ་འཆོས་དང་གསོག་གསོབ་ཀྱིས་གཙེས་ཐེངས་རེར།
ངས་ཁྱེད་ཀྱི་གཡའ་དག་པའི་ངོ་གདོང་དང་།
སྐར་ཆེན་ལྟ་བུའི་མིག་ཟུང་ཟིམ་ཟིམ་བྱེད་པའི་ངང་ཚུལ་དེ།
རེ་རེ་བཞིན་དྲན་གསོ་བཏང་དགོས་བྱུང་།