ཉིན་ཞག་གི་ཐ་མག (སྙན་ཚོམ།)

སྙིང་གཏམ།

སྙིང་གཏམ་ཚིག་གསུམ་བཤད་ན།

ཁྱེད་མེད་དུས།

ངའི་སེམས་པ་སྟོང་ལྷོང་ལྷོང་གི་ཚོར་བས་གང་ཞིང་།

ཀླད་པར་ན་བུན་ཞིག་འཐིབ་འོང་སྟེ།

ཅི་ཡང་འཆར་རྒྱུ་མེད་པར་འགྱུར་འགྲོ།

དེར་མ་ཟད། དུས་ཚོད་ཀྱི་ཤོག་ལྷེ་དབྱི་རྒྱུ་ནི།

ཅི་ལས་ཀྱང་དཀའ་བ་འདུག་གོ་བུ་མོ་ལགས།

༢༠༡༣ ༨ ༡༨

ཉིན་ཞག་གི་ཐ་མག

ཁྱེད་མེད་པའི་ཉིན་ཞག་གི་ཐ་མག་འདི།

དབུགས་ཐེངས་གཅིག་གིས་འཐེན་རྗེས།

མཚོ་མོ་བཞིན་གྱི་ཁྱེད་ཀྱི་པང་ཁུད་དུ་ལོག་ནས།

མཐའ་དང་ཟད་དུ་མེད་པའི་བརྩེ་བའི་རྐྱལ་ལ་རོལ་འདོད།

                   ༢༠༡༣ ༨ ༢༠

ཆར་དུས་ཀྱི་སྙན་ངག

ཆར་པ་འདི་སེམས་ཚོར་གྱིས་བྱུར་བུར་གཏམས་པའི་ཚུལ་གྱིས་ལུད་འོང་དུས།

དྲག་རླུང་འདི་ཡ་ཆུང་གི་སྡུག་བསྔལ་གང་ཞིག་ལྟར་ལྡང་འོང་དུས།

ངས། ཉིད་འོད་ཀྱིས་ཁྱབ་པའི་གངས་རི་ལྟར་གྱི་ཁྱེད་ཀྱི་འཛུམ་མདངས་དེ་སྙིང་ཁར་སྒོམ་བཞིན་ཡོད།

༢༠༡༣ ༨ ༢༡